2026 मध्ये दोन सूर्यग्रहण आणि दोन चंद्रग्रहण होणार असून ज्योतिषशास्त्रानुसार चार राशींवर त्याचा प्रतिकूल परिणाम होऊ शकतो. कोणत्या राशींनी सावध राहावे, जाणून घ्या सविस्तर.
2026 हे वर्ष सुरू होताच ग्रह-नक्षत्रांच्या हालचालींमुळे अनेकांच्या आयुष्यात बदल घडताना दिसत आहेत. ज्योतिषशास्त्रानुसार हे वर्ष ग्रहणांच्या दृष्टीने विशेष महत्त्वाचे मानले जात असून संपूर्ण वर्षात एकूण चार ग्रहणे होणार आहेत. या ग्रहणांचा थेट किंवा अप्रत्यक्ष परिणाम चार राशींवर अधिक जाणवू शकतो, असा इशारा ज्योतिषांनी दिला आहे. ग्रहणकाळात आणि त्यानंतरच्या पंधरा दिवसांत या राशींनी विशेष सावधगिरी बाळगण्याचा सल्ला देण्यात आला आहे.
ज्योतिषशास्त्रानुसार 2026 मध्ये दोन सूर्यग्रहण आणि दोन चंद्रग्रहण होणार आहेत. ग्रहणांचा परिणाम केवळ त्या दिवशीच मर्यादित न राहता पुढील काही दिवसांपर्यंत राहतो, असे मानले जाते. त्यामुळे या काळात आर्थिक व्यवहार, आरोग्य, नातेसंबंध आणि महत्त्वाचे निर्णय याबाबत दक्ष राहणे आवश्यक असल्याचे तज्ज्ञ सांगतात.
2026 मधील पहिले सूर्यग्रहण 17 फेब्रुवारी रोजी कुंभ राशीत होणार आहे. या सूर्यग्रहणाचा परिणाम कुंभ राशीच्या लोकांवर अधिक जाणवू शकतो. करिअरमध्ये अचानक बदल, वरिष्ठांशी मतभेद, तसेच नातेसंबंधांमध्ये गैरसमज निर्माण होण्याची शक्यता वर्तवण्यात येत आहे. घाईघाईने निर्णय न घेता संयम राखण्याचा सल्ला देण्यात आला आहे.
वर्षातील दुसरे सूर्यग्रहण 12 ऑगस्ट 2026 रोजी कर्क राशीत होणार आहे. हे ग्रहण भारतात दृश्यमान नसले तरी त्याचा प्रभाव जाणवू शकतो, असे ज्योतिषांचे मत आहे. कर्क राशीच्या लोकांसाठी हा काळ आर्थिक व्यवहारांच्या दृष्टीने संवेदनशील मानला जात आहे. गुंतवणुकीत सावधपणा बाळगणे आणि वाहन चालवताना दक्ष राहणे आवश्यक असल्याचे सांगितले जात आहे.
2026 मधील पहिले चंद्रग्रहण 3 मार्च रोजी होणार असून ते होलिका दहनच्या दिवशीच पडत आहे. या चंद्रग्रहणाचा परिणाम कन्या राशीच्या लोकांवर होऊ शकतो. आर्थिक नुकसान, अनपेक्षित खर्च आणि आरोग्याशी संबंधित तक्रारी उद्भवण्याची शक्यता व्यक्त केली जात आहे. या काळात नियमित तपासणी आणि खर्चावर नियंत्रण ठेवण्याचा सल्ला दिला जात आहे.
वर्षातील दुसरे चंद्रग्रहण 28 ऑगस्ट 2026 रोजी होणार आहे. या चंद्रग्रहणाचा प्रतिकूल परिणाम मीन राशीवर होऊ शकतो, असा अंदाज आहे. आर्थिक अडचणी, मानसिक तणाव आणि निर्णयक्षमतेवर परिणाम होण्याची शक्यता वर्तवण्यात येत आहे. ग्रहणाच्या दिवशी तसेच त्यानंतर काही दिवस कोणतेही मोठे आर्थिक किंवा व्यावसायिक निर्णय टाळावेत, असे ज्योतिष सांगतात.
एकूणच 2026 मधील चार ग्रहणांचा प्रभाव कुंभ, कर्क, कन्या आणि मीन या चार राशींवर अधिक जाणवू शकतो. ग्रहणकाळात संयम, सावधगिरी आणि विचारपूर्वक निर्णय घेतल्यास संभाव्य अडचणी टाळता येऊ शकतात, असे ज्योतिष तज्ज्ञांचे मत आहे.
[ संबंधित माहिती उपलब्ध स्त्रोतांच्या आधारे सर्वसाधारण माहिती आहे. प्रत्येकाच्या राशी सोबत नक्षत्र आणि इतर बाबी नुसार फळ वेगळे राहू शकते ]
-----------------------------------