पलाश मुच्छलवर 'गंभीर’ आरोप, फार्महाऊसमध्ये मोठा राडा
मुंबई: भारतीय क्रिकेटपटू स्मृती मानधना आणि संगीतकार पलाश मुच्छल यांच्या विवाहाबाबत मागील काही दिवसांपासून सोशल मीडियावर प्रचंड चर्चा रंगत आहे. 7 डिसेंबर 2025 रोजी होणारे लग्न स्मृतीने काही तास आधीच रद्द केल्यानंतर या प्रकरणाची तीव्रता अधिक वाढली. तिने सोशल मीडियावर पोस्ट करत लग्न मोडल्याची घोषणा केली; मात्र कारण स्पष्ट केले नाही. त्यानंतर विविध दावे, स्क्रीनशॉट आणि कथित इन्स्टाग्राम पोस्ट्स व्हायरल होत राहिल्या, ज्यांमध्ये लग्न रद्द होण्याचे कारण म्हणून काही धक्कादायक आरोप समोर आले.
व्हायरल पोस्ट्सनुसार, सांगलीतील फार्महाऊसमध्ये लग्नाच्या आदल्या रात्री मोठा राडा झाल्याचा दावा करण्यात आला आहे. कथित माहितीप्रमाणे, पलाश मुच्छल यांना स्मृती मानधना किंवा त्यांच्या जवळच्या व्यक्तींनी ‘रंगेहात पकडले’ असा आरोप या पोस्टमध्ये करण्यात आला आहे. सोशल मीडियावर फिरत असलेल्या दाव्यांनुसार, पलाश मुच्छल आणि त्यांच्या डान्स कोरिओग्राफर नंदिका द्विवेदी यांच्यात गेल्या काही दिवसांपासून जास्त जवळीक असल्याचे म्हटले गेले आहे. आणखी एका दाव्यानुसार, टीम इंडियाची खेळाडू श्रेयांका पाटील हिने पलाश आणि नंदिका यांना ‘इंटिमेट अवस्थेत’ पाहिल्याचे पोस्टमध्ये नमूद आहे. या कथित घटनेनंतर फार्महाऊसमध्ये तणाव निर्माण झाला आणि वाद विकोपाला गेला, असे सोशल मीडिया पोस्ट्समध्ये म्हटले जाते.
या दाव्यानुसार, परिस्थिती हाताबाहेर जात असल्याचे दिसल्यानंतर पलाश मुच्छल यांनी आपली प्रतिमा वाचवण्यासाठी पीआर कंपनीची मदत घेतल्याचा आरोपही करण्यात आला आहे. त्यांच्या वडिलांच्या तब्येतीचे कारण देत त्यांनी घाईघाईने मुंबई गाठल्याचेही पोस्टमध्ये नमूद आहे. या सर्व प्रकरणावर अधिकृतपणे दोन्ही पक्षांकडून कोणतीही प्रत्यक्ष प्रतिक्रिया आलेली नाही. सोशल मीडियावर फैलावत असलेली माहिती, स्क्रीनशॉट्स आणि दावे सत्य आहेत का याबाबत अधिकृत पुष्टी उपलब्ध नाही. मात्र, लग्न रद्द झाल्यानंतर या प्रकरणाभोवती प्रचंड चर्चा निर्माण झाली असून चाहत्यांमधून अनेक प्रकारच्या प्रतिक्रिया उमटताना दिसत आहेत.
______