यवतमाळ : जिल्ह्यातील प्रतिबंधीत क्षेत्र वगळता इतर ठिकाणी एफएल-३(परवानाकक्ष), एफएल-४ या अनुज्ञप्त्यांचे व्यवहार सकाळी साडे दहा ते रात्री दहा वाजेपर्यंत सुरू ठेवण्यास जिल्हाधिकारी एम. देवेंदर सिंह यांनी काल एका आदेशान्वये परवानगी दिली आहे.
तथापि संबंधीत अनुज्ञप्तीधारकांनी शासनाचे अटी व मार्गदर्शक तत्वे पाळणे बंधनकारक राहील. तसेच महाराष्ट्र पर्यटन संचालनालय यांच्याकडून देण्यात आलेल्या मार्गदर्शक तत्वांचे पालन करणेसुद्धा बंधनकारक राहील, असेही आदेशात नमुद करण्यात आले आहे.