मानवी नात्यांना हादरवून टाकणारी घटना
बेळगाव : रायबाग तालुक्यातील एका गावात मानवी नात्यांना हादरवून टाकणारी घटना घडली आहे. १९ वर्षीय मुलगी प्रियकरासोबत पळून गेल्यानंतर तिच्या वडिलांनीच तिचं श्राद्ध घालून घरासमोर भावपूर्ण श्रद्धांजलीचा बॅनर लावल्याची माहिती समोर आली आहे. या घटनेमुळे परिसरात खळबळ उडाली असून, सामाजिक वर्तुळात तीव्र चर्चा रंगली आहे.
पोलिसांच्या माहितीनुसार, मुलगी तरुणावर प्रेम करत होती. घरच्यांच्या विरोधानंतर ती त्याच्यासोबत पळून गेली. यानंतर संतप्त वडिलांनी “मुलगी आमच्यासाठी मेली” असं घोषित करत तिचं श्राद्ध केलं. कुटुंबीयांनी नातेवाईकांना घरी बोलावून पंगती वाढल्या आणि मुलीचा फोटो समोर ठेवून पूजनही करण्यात आलं.
मुलगी प्रौढ असल्याने पोलिसांनी कोणतीही कारवाई केली नाही, मात्र तिच्या कुटुंबाने समाजात तिला "मृत" घोषित करत अत्यंत टोकाचं पाऊल उचललं. मुलगी जिवंत असतानाच वडिलांनी तिचं श्राद्ध केल्याने नागरिकांमध्ये आश्चर्य आणि संताप दोन्ही व्यक्त होत आहे.
An incident that shakes human relationships