शेतकरी या वर्षीच्या उत्तम पिकाला वाईट नज़र लागू नये म्हणून एक वेगळाच उपाय अवलंबत आहेत. पुतळे किंवा काळ्या कपड्यांऐवजी आता शेतांच्या काठावर अभिनेत्री सनी लियोनीचे मोठे पोस्टर लावले जात आहेत. लोकांचे लक्ष पोस्टरकडे वळावे आणि पिकावर नजर लागू नये, या विश्वासातून हा उपाय शेतकरी करत आहेत. सोशल मीडिया आणि स्थानिक गावांत हा अनोखा ट्रेंड चर्चेत आला आहे.
आंध्र प्रदेशातील बांदा किंडी पल्ली गावातील 45 वर्षीय शेतकऱ्याने यावर्षी 10 एकरमध्ये फुलकोबी आणि पत्ताकोबीची भरघोस लागवड केली असून, पिकावर वाईट नजर पडू नये म्हणून शेजारी सनी लियोनीचा मोठा फ्लेक्स पोस्टर लावला आहे. पीक चांगले आल्यामुळे गावकरी किंवा वाटसरूंच्या दृष्टिचा परिणाम होण्याची भीती वाटत असल्याचे त्यांनी सांगितले.
कर्नाटकातील यादगीर जिल्ह्याच्या मुदनूर गावातही अशीच पद्धत पाहायला मिळत आहे. तिथल्या एका शेतकऱ्याने कापसाच्या शेताशेजारी लाल कपड्यांतील सनी लियोनीचा भव्य पोस्टर लावला असून, लोकांचे लक्ष पोस्टरकडे गेल्यामुळे पिकाकडे कमी लक्ष जाते आणि अशाप्रकारे पिकांचे संरक्षण होते असा त्याचा विश्वास आहे.
याआधी शेतकरी शेतात पुतळे, कापड किंवा मोठी डोळ्यांची प्रतिमा लावत असत. मात्र आता आधुनिक पद्धतीने पोस्टर लावण्याचा ट्रेंड वेगाने वाढत आहे. बेंगळुरूसारख्या शहरांतही दुकानदार आणि बाजार व्यापारी दुकाने व स्टॉलवर देवांच्या प्रतिमा किंवा महिलांचे फोटो लावून अशाच पद्धतीने ‘नजर उतार’चा विश्वास पाळत असल्याचे दिसते.
ग्रामीण ते शहरी भागापर्यंत अंधश्रद्धा आणि मान्यता वेगवेगळी असली तरी एका चांगल्या हंगामासाठी आणि मेहनती पिकाचे संरक्षण करण्यासाठी शेतकऱ्यांनी अवलंबलेला हा अनोखा उपाय सध्या चर्चेत आहे.
------------